திராவிடநாடு எதற்காக மனிதமலத்தை அள்ள ஊக்குவிக்கிறது – நீதிமன்ற தீர்ப்புகள் விடிவுகாலத்தை எட்டச் செய்கிறதா? (4)
2008 முதல் 2023 வரை பிரச்சினை தொடர்வது: பல ஆண்டுகளாக இப்பிரச்சினை தமிழகத்தில் இருந்து வருவது, நீதிமன்றங்களில் வழக்குகள் இழுத்தடிப்பது, செப்டிக் டேங்கில் வேலை செய்யக் கூடாது என்றாலும் பணியாளர்களை அமர்த்துவது, போன்றவை தொடர்ந்தன. ஆகஸ்ட் 2008ல், திருமதி சௌத்ரி என்ற தேசிய சபாயி கர்மச்சாரிகளுக்கான கமிஷனின் தலைவர் (Ms. Chowdhary, Chairperson of National Commission for Safai Karamcharis) சென்னைக்கு வந்திருந்தபோது, தமிழ்நாடு, இன்னும் இந்த அவலநிலையை அழிக்க எந்த நடவடிக்கையும் எடுக்கவில்லையே என்று வருத்தப்பட்டார்[1]. அப்பொழுது கருணாநிதிக்கு போபம் வந்து, வழக்கம் போல அம்மையால் விவரங்களை அறியாமல் பேசிவிட்டார் என்று, புள்ளிவிவரங்களைக் கொடுத்து மறைக்கப் பார்த்தார்[2]. அதுவும் எடுபடாமல் போகவே, அருந்ததியருக்கு ஒதுக்கீடு என்று ஆரம்பித்தார். ஆனால், அதிலும் பங்கை வெட்டி முஸ்லீம்களுக்கும், கிருத்துவர்களுக்கும் கொடுத்து அவர்களை ஏமாற்றினர். இதன் மூலம், மலம் அள்ளும் பிரச்சினை மறைக்கப்பட்டு விட்டது[3]. இப்பொழுது 14 ஆண்டுகள் ஆன பிறகும் பிரச்சினையும் தீரவில்லை, இறப்புகளும் நிற்கவில்லை. இந்நிலையில் இந்த விசயங்கள் வருகின்றன.
மார்ச்.2023- உச்சநிதிமன்ற தீர்ப்பும், தூய்மை செய்யும் பணியாளருக்கான நலன்களுக்கான ஆணை: சஃபாய் கரம்சாரி அந்தோலன் தீர்ப்பில், கையால் சுத்தம் செய்பவர்களின் மறுவாழ்வு, பண உதவி, அவர்களின் குழந்தைகளுக்கு கல்வி உதவித்தொகை, வீட்டு மனைகள் ஒதுக்கீடு, வாழ்வாதாரத் திறன் பயிற்சி மற்றும் மாதாந்திர உதவித்தொகை, சலுகைக் கடன்கள் உள்ளிட்ட வழிகாட்டுதல்களை நீதிமன்றம் வழங்கியது[4]. மேலும், கழிவுநீர் கால்வாயில் ஏற்படும் இறப்புகளுக்கு குறைந்தபட்ச இழப்பீடு வழங்குவதுடன், தண்டவாளங்களில் கைமுறையாக குப்பைகளை அள்ளுவதை நிறுத்துமாறு ரயில்வேக்கு உத்தரவிட்டது[5]. நாட்டில் துப்புரவு பணியாளர்களை வேலைக்கு அமர்த்துவதைத் தடுக்க நடவடிக்கை எடுக்கக் கோரிய மனுவை நீதிமன்றம் பரிசீலித்தது. 2023 பிப்ரவரியில், கையால் தோட்டிகளை வேலைக்கு அமர்த்துவதைத் தடுப்பதற்கும், அவர்களின் மறுவாழ்வுச் சட்டம் 2013 இன் படி, கையால் சுத்தம் செய்பவர்களை வேலைக்கு அமர்த்துவதைத் தடுப்பதற்கு எடுக்கப்பட்ட நடவடிக்கைகளை பதிவு செய்யுமாறு இந்திய யூனியனுக்கு நீதிமன்றம் உத்தரவிட்டது. 2014 தீர்ப்பில் வழங்கப்பட்ட வழிகாட்டுதல்களின்படி எடுக்கப்பட்ட நடவடிக்கைகள் “சஃபை கரம்சாரி அந்தோலன் அண்ட் அதர்ஸ் வெர்சஸ். யூனியன் ஆஃப் இந்தியா அண்ட் அதர்ஸ்” தீர்ப்பில் காணலாம்[6].
அரசு சலுகைகளை அறிவித்தல்; சமூக நீதி மற்றும் அதிகாரம் அளித்தல் துறை இணையமைச்சர் திரு. ராம்தாஸ் அதாவலே மக்களவையில் இன்று எழுத்துபூர்வமாக அளித்த பதிலில் கூறியதாவது[7]: கழிவுகளை கையால் அகற்றும் பணியில் ஒருவரும் உயிரிழக்கவில்லை. ஆனால், கடந்த 5 ஆண்டுகளில் கழிவுநீர் தொட்டிகளை சுத்தம் செய்யும் பணியில் ஈடுபட்டபோது ஏற்பட்ட விபத்தில் 325 பேர் உயிரிழந்துள்ளனர். இவர்களில் 276 பேரின் குடும்ப உறுப்பினர்கள் இழப்பீடு பெற்றுள்ளனர். இதன் விவரங்கள் இணைப்பில் கொடுக்கப்பட்டுள்ளன. கடந்த 2003ம் ஆண்டு தாக்கல் செய்த ரிட் மனு மீது, உச்சநீதிமன்றம் கடந்த 2014ம் ஆண்டு மார்ச் 27ம் தேதி பிறப்பித்த உத்தரவில், கழிவுநீர் தொட்டிகளை சுத்தம் செய்யும் போது இறந்தவர்களின் குடும்பத்துக்கு ரூ.10 லட்சம் இழப்பீடு வழங்க வேண்டும் என தீர்ப்பு கூறியது. இது போன்ற விபத்துக்களில் உயிரிழப்பவர்களின் குடும்பங்களுக்கு மத்திய மற்றும் மாநில அரசுகள் மறுவாழ்வு பலன்களை அளித்து வருகின்றன. மேலும், கழிவுகளை கையால் அகற்றும் துப்புரவு தொழிலாளர்களின் சுய வேலை வாய்ப்பு திட்டத்தை மத்திய அரசு அமல்படுத்துகிறது.
துப்புரவு தொழிலாளர்களின் மறுவாழ்வுக்காக அளிக்கப்படும் உதவிகள்: குடும்பத்தில் உள்ள ஒரு துப்புரவு தொழிலாளிக்கு ரூ.40,000 நிதியுதவி அளிக்கப்படுகிறது. துப்புரவு தொழிலாளர்கள் மற்றும் அவர்களைச் சார்ந்தவர்களின் திறன் மேம்பாட்டு பயிற்சிக்கு 2 ஆண்டுகளுக்கு மாதம் ரூ.3,000 உதவி அளிக்கப்படுகிறது. சுகாதாரம் தொடர்பான சுய வேலைவாய்ப்பு திட்டங்களில் கடன் பெறுவோருக்கு ரூ.5 லட்சம் வரை மூலதன மானியம் அளிக்கப்படுகிறது. கழிவுகளை கையால் அகற்றும் துப்புரவு தொழிலாளர்களின் குடும்பங்களுக்கு, ஆயுஷ்மான் பாரத், பிரதமரின் ஜன் ஆரோக்கிய திட்டத்தின் கீழ் மருத்துவ காப்பீடு அளிக்கப்படுகிறது. கழிவுகளை கையால் அகற்றும் வேலைக்கு தடை மற்றும் மறுவாழ்வு சட்டம்(எம்எஸ்) 2013-ன் கீழ் கையால் மனித கழிவுகளை அகற்றும் வேலை கடந்த 2013ம் ஆண்டு டிசம்பர் 6ம் தேதி முதல் நாடு முழுவதும் தடை செய்யப்பட்டது . அன்று முதல் யாரும், எந்த நிறுவனமும், கழிவுகளை கையால் அகற்றுவதற்கு துப்புரவு தொழிலாளர்களை ஈடுபடுத்தக் கூடாது. இதை மீறுபவர்களுக்கு எம்எஸ் 2013 சட்டத்தின் 8வது பிரிவுபடி 2 ஆண்டுகள் வரை சிறை தண்டனை அல்லது ரூ. 1 லட்சம் அபராதம் அல்லது இரண்டும் விதிக்கப்படும்[8]. மேலும் விவரங்களுக்கு இந்த ஆங்கில செய்தி குறிப்பை காணவும்[9]:
© வேதபிரகாஷ்
17-06-2023
[1] Santosh Chowdhary, “Tamil Nadu employing huge number of scavengers”, in “The Hindu” dated 23-08-2008, see at: http://www.hindu.com/2008/08/23/stories/2008082360661000.htm
[2] தினமலர், துப்புரவு பணியாளர் கமிஷன் குற்றச்சாட்டு : உண்மையில்லை என முதல்வர் மறுப்பு, ஆகஸ்ட் 24,2008,00:00 IST.
http://www.dinamalar.com/Arasiyalnewsdetail.asp?News_id=3257&cls=row3&nc at=TN
[3] VEDAPRAKASH, Why “Dravidanadu” promotes manual scavenging?
[4] LiveLaw, Prohibition Of Manual Scavenging: Supreme Court Asks Centre To Convene Meeting With Secretaries Of All States, Union Territories, Rintu Mariam Biju, 12 Apr 2023 9:32 PM.
The Court was considering a plea to seeking steps to curb hiring manual scavengers in the country. In February, the Court directed the Union of India to place on record the steps taken by it to prevent the employment of manual scavengers as per the Prohibition of Employment as Manual Scavengers and Their Rehabilitation Act 2013. The Court had asked the Centre to inform the steps taken in pursuance of the guidelines issued in the 2014 judgment “Safai Karamchari Andolan And Others vs. Union of India And Others”.
[5] https://www.livelaw.in/top-stories/supreme-court-employment-of-manual-scavengers-226195
In Safai Karamchari Andolan judgment, the Court had issued a slew of guidelines for the rehabilitation of manual scavengers, including cash assistance, scholarship for their children, allotment of residential plots, training in livelihood skill and monthly stipends, concessional loans etc. The judgment had also issued prescribed the minimum compensation in cases of sewer deaths and directed the Railways to end manual scavenging on tracks.
[6]உச்சநீதி மன்ற தீர்ப்பை முழுவதுமாக இங்கே படிக்கலாம்ஊ பதிவிறக்கம் செய்து கொள்லலாம் – https://main.sci.gov.in/jonew/judis/41346.pdf
[7] பிரஸ் இன்வார்மேஷன் பீரோ, கையால் கழிவுகளை அகற்றும் துப்புரவு தொழிலாளர்களுக்கான நலத்திட்டம், Posted On: 15 MAR 2022 4:01PM by PIB Chennai
[8] https://pib.gov.in/PressReleasePage.aspx?PRID=1806164
[9] https://pib.gov.in/PressReleasePage.aspx?PRID=1806288
socialstratification 